Тұңғыш Президент Музейі

Тұңғыш Президент Музейі сэр Норман Фостердің жарқын архитектуралық идеясын бейнелейтін «Назарбаев орталығы» ғимаратында орналасқан.

Ғимарат аспанға бағытталған үлкен көз іспетті жасалған. Сәулетшінің ойынша, ғимараттың қайталанбас келбеті Қазақстанның өмірлік күшін бейнелейді.

Музей экспозициясы Қазақстан Республикасының Тұңғыш Президенті Нұрсұлтан Назарбаевтың өмірі мен қызметінің әртүрлі кезеңдеріне, Қазақстан тәуелсіздігі тарихына арналған архив құжаттарының, фотосуреттердің, бейнематериалдар мен экспонаттардың ауқымды топтамасына негізделген.

Музей залдарында Қазақстан Республикасы Тұңғыш Президентінің мемлекеттік және қоғамдық наградаларының, шет мемлекеттер мен үкіметтер басшыларынан, халықаралық ұйымдардан сыйға тартылған дипломатиялық сыйлықтардың, кітап басылымдарының топтамалары қойылады.

Музейде тұрақты экспозициялардан басқа уақытша көрмелер де жұмыс істейді.

Музей жұмыс күндері, дүйсенбіден жұмаға дейін сағат 10.00-ден 17.30-ға дейін жұмыс істейді. Келу келесі телефон нөмірлері бойынша алдын ала жазылу арқылы мүмкін: +7 (7172) 70-83-65, + 77022586608.