Alem.AI халықаралық жасанды интеллект орталығы

Сингулярлық музейі Қазақстанның AI-экожүйесінің негізгі кеңістіктерінің бірі болып табылатын alem.ai Жасанды интеллект халықаралық орталығының бірінші қабатында орналасқан. Орталық білім беру, зерттеу жұмыстарын, стартаптарды және жасанды интеллект саласындағы жобаларды біріктіреді.

Музей күрделі технологияларды түсінікті әрі қызықты тілде түсіндіретін интерактивті кеңістік ретінде құрылған. Экспозиция келушілерді жасанды интеллекттің даму тарихымен таныстырып, AI технологияларының білім беру, бизнес, мемлекеттік басқару және күнделікті өмірге қалай әсер етіп жатқанын көрсетеді.

Мұнда экспонаттарды зерттеп қана қоймай, технологиялармен тікелей әрекеттесуге де болады: медиа және иммерсивті AI-инсталляцияларын, цифрлық аватарлар мен роботтарды көруге, алгоритмдердің жұмыс істеу қағидаларын түсінуге, өзіңіздің жасанды интеллект моделіңізді үйретіп көруге және роботпен шахмат ойнауға мүмкіндік бар. Балаларға арналған интерактивті аймақ та қарастырылған. Онда, мысалы, технологиялардың көмегімен суреттерді «жандандыруға» болады.

Кеңістіктің жеке бөлігі — AI Cinema, жасанды интеллект көмегімен жасалған контентке арналған мультимедиялық кинотеатр. Музей экспозициясы қазақ, орыс және ағылшын тілдерінде қолжетімді.

Мекенжайы: Астана қаласы, Мәңгілік Ел даңғылы, 55/1, B1 блогы, alem.ai Жасанды интеллект халықаралық орталығы, 1-қабат, EXPO аумағы.