Астанада Lumiere-Hall мультимедиялық музейі ашылмақ. Мұражай алғаш болып Нидерландтан — Винсент ван Гог туып-өскен елден келген «Ван Гог. Жан біткен кенептер» атты мультимедиялық көрмесін өткізбек.
Ван Гогтың әлеміне саяхат
Ауқымды мультимедиялық шоуда көрермен ұлы шебердің картиналарына еніп кеткендей күй кешеді. Инновациялық технологиялар көрерменді уақыт шеңберінен тыс саяхатқа бастап, суретшінің хаттары мен картиналары арқылы Ван Гогтың таңғажайып әлемін таныстырады. Ол ұлы суретші ме, ақылынан адасқан данышпан ба, әлде жалғыздық жанын қинаған бейбақ па? Көрмеде жұрт оның өмірімен жақынырақ танысып, осы сұрақтарға өзінше жауап табады.
Көрмеде сізді не күтеді?
Келушілер өнер туындыларымен жақынырақ танысып қана қоймай, суретшінің өмір жолы мен ең әйгілі картиналарының қалай туғаны жайында мол мағлұмат алады. Мультимедиялық форматтың арқасында қонақтар кенептерде бейнеленген көріністердің тап ортасында жүріп, суретшінің сол сәттегі көңіл-күйін сезініп, танымал пейзаждар мен портреттерді жаңа қырынан тани алады.
«Lumiere-Hall» мультимедиялық мұражайы. «Ван Гог. Жан біткен кенептер» көрмесі өту үшін сізге қажет:
